బతుకమ్మ బతుకమ్మ ఉయ్యాలో
బంగారు బతుకమ్మ ఉయ్యాలో
బంతిపూలు నీకు ఉయ్యాలో
బంగరు మనస్సు మాకు ఉయ్యాలో
గునుగ్పూలు నీకు ఉయ్యాలో
మంచి గునములు మాకు ఉయ్యాలో
కట్లపూలు నీకు ఉయ్యాలో
కాంతి మార్గం మాకు ఉయ్యాలో
చిట్టి చామంతులు నీకుఉయ్యాలో
చదువు సంధ్యలు మాకు ఉయ్యాలో
తంగేడు పూలు నీకు ఉయ్యాలో
తెలివి తేటలు మాకు ఉయ్యాలో
దానిమ్మ పూలు నీకు ఉయ్యాలో
ధీటైన ధైర్యము మాకు ఉయ్యాలో
పట్టుకుచ్చు పూలు నీకు ఉయ్యాలో
పదునైన పౌరుషం మాకు ఉయ్యాలో
కాకర పూలు నీకు ఉయ్యాలో
కరుణ కాఠిన్యాలు మాకు ఉయ్యాలో
గుమ్మడీ పూలు నీకు ఉయ్యాలో
గౌరవ మర్యాదలు మాకు ఉయ్యాలో
బీర పూలు నీకు ఉయ్యాలో
బద్రత బాధ్యతలు మాకు ఉయ్యాలో
నూకలా పువ్వు నీకు ఉయ్యాలో
నలుగురీ మెప్పు మాకు ఉయ్యాలో
గోరంట పూలు నీకు ఉయ్యాలో
గొప్ప గుర్తింపు మాకు ఉయ్యాలో
అన్ని పూలు నీకు ఉయ్యాలో
ఆత్మస్థైర్యం మాకు ఉయ్యాలో
బతుకమ్మ బతుకమ్మ ఉయ్యాలో
బంగారు బతుకమ్మ ఉయ్యాలో
బంగారు బతుకమ్మ ఉయ్యాలో
No comments:
Post a Comment